Jambyldyq polıtseıler eń myqty mergenderdiń qatarynan kórindi
TARAZ. QazAqparat - Jambyl oblystyq Іshki ister departamentiniń qyzmetkerleri QR Memlekettik kúzet qyzmetiniń Astanadaǵy «Maılan» atty dalalyq oqý-jattyǵý ortalyǵynda tapanshadan oq atý tájirıbesi boıynsha ótken Qazaqstan chempıonatynda úzdik kórsetkishterge qol jetkizdi. Bul týraly QazAqparat tilshisi Jambyl oblystyq Іshki ister departamentiniń baspasóz qyzmetine silteme jasap habarlaıdy.
«Respýblıkanyń barlyq óńirlerinen kelgen arnaıy bólimshelerdiń 130-dan astam qyzmetkerleri «standart», «prodakshn», «klassık» nusqalary boıynsha úzdikterdi anyqtaǵan bolatyn.
«Jambyldyqtar klassıkalyq úlgi boıynsha úzdikter qatarynan kórindi. Munda qarsylas 7 komanda boldy. Bizdiń mergender olarǵa kóptiń arasynan erekshelenip shyǵýǵa eshqandaı múmkindik bermedi jáne jalpykomandalyq esepte 1-shi oryndy jeńip aldy»,-dedi óńirlik quqyq qorǵaý vedomstvosynyń baspasóz qyzmeti.
Tarazdan kelgen klassıkalyq úlgi mergenderi jekelegen esep boıynsha da myqtylardyń qatarynda boldy. Osy joly oqý-jattyǵý vzvodynyń aǵa ınspektory Ardaq Shońǵarov pen onyń áriptesi Erkin Jańabekovke teń keler adam bolmady. Jambyldyq komandanyń ózge de mergenderi úzdik nátıje kórsetip, «klassık» úlgisi boıynsha úzdik 10-qa endi.
«Endi jambyldyqtar qarasha aıynyń basynda Jambyl oblysynda Halyq qaharmany Ǵazız Baıtasov atyndaǵy oqý-jattyǵý alańynda Qarýly Kúshter men arnaıy bólimshe sarbazdary arasynda qarýdyń úsh túri boıynsha (tapansha, avtomat, jalpaq uńǵyly qarýdan) ótetin jarystarǵa daıyndalýda»,-dedi Jambyl oblystyq Іshki ister departamentiniń qyzmetkerleri.
