Jambyldyq polıtseıler barymtashyny qaraýsyz balalar lagerinde ustady
JAMBYL OBLYSY. Qyrkúıektiń 25-i. QazAqparat /Galına Skrıpnık/ - Jambyldyq iz kezýshilerdiń muqııat josparlanǵan operatsııasynyń nátıjesinde kórshi aýyldardyń malyn urlaýmen aınalysyp júrgen, buryn mal urlyǵy boıynsha sotty bolǵan Jýaly aýdany Qaraqorǵan aýylynyń turǵyny tutqyndaldy, dep habarlaıdy Jambyl oblystyq ІІD baspasóz qyzmeti.
Jýaly AІІB krımınaldyq polıtsııanyń aǵa jedel ýákili polıtsııa kapıtany Nurǵalı Paqyshevtyń aıtýynsha, qylmysker ádettegideı túngi ýaqytty paıdalanyp aýyldyń shet jaqtarynda jumys istegen. Ol aldyn ala kózdep qoıǵan jylqylaryn urlap, aýyldan alys jaqtarǵa alyp ketken. 44 jasar kúdikti eshkimniń kózine túspeýge tyrysyp, eshkimmen aralaspaı jeke- dara ómir súrgen, úıinen tek qana qarańǵy túskende ǵana shyǵatyn bolǵan.
Jedel izdestirý is-sharasy birneshe aılar boıy júrgizildi, bul kezdeısoq baqyt emes, ІІO krımınaldyq jáne ýchaskelik polıtsııa qyzmetkerleriniń yqtııattylyǵymen men muqııat josparlanǵan operatsııasynyń nátıjesi. Qazir tutqynǵa Jýaly aýdany Tasbastaý jáne B.Momyshuly aýyldaryndaǵy eki mal urlaý derekteri boıynsha aıyp taǵylyp, basqa da qylmystarǵa qatysy bar-joqtyǵy anyqtalýda. Ol urlaǵan jylqylaryn OQO Býrno-Oktıabr aýylynda qaraýsyz qalǵan balalar lagerinde turatyn qaıyn atasynyń úıine alyp bara jatqan jolda ustalǵan,- dedi N.Paqyshev.
Jambyl oblysy ІІD KPB jedel ýákili polıtsııa podpolkovnıginiń aıtýynsha «Mal urlyǵy» operatsııasynyń úsh kúninde 4 mal urlyǵy qylmysy ashylyp, buryn jasalǵan 13 mal urlyǵynan, 10 bas úı janýarlary óz ıelerine qaıtarylǵan.
