Jambyldyq polıtseıler aýyl turǵynynan 50 keliden astam esirtki tárkiledi

TARAZ. QazAqparat - «Qarasora-2023» jedel-profılaktıkalyq is-sharasy aıasynda Shý aýdanynda jabaıy qarasora ósetin jerlerde esirtki daıyndaý kezinde buryn sotty bolǵan 39 jastaǵy jergilikti turǵyn ustaldy, dep habarlaıdy QazAqparat.

Aımaqtaǵy polıtsııa departamentiniń málimetinshe, kúdiktiden 50,3 keli keptirilgen marıhýana jáne kannabıs ósimdigi esirtki quraldary tárkilengen.

«Jedel-izdestirý is-sharalaryn Jambyl oblysy polıtsııa departamenti, Ulttyq ulannyń «Búrkit» AMB qyzmetkerleri Tea atty qyzmettik-izdestirý ıtin qoldana otyryp júrgizdi.

Ustalǵan adam kinásin moıyndap, Shý qalasynyń ÝUI-ǵa qamaýǵa alyndy. Qylmystyq Kodekstiń 296-baby 4-bóligimen sotqa deıingi tergeý bastaldy», - dep jazdy vedomstvodan.