Jambyldyq palýandar Qýandyq Bákenov atyndaǵy týrnırdiń jeńimpazdary atandy
TARAZ. QazAqparat - Tarazda Qýandyq Bákenovti eske alýǵa arnalǵan grek-rım kúresinen respýblıkalyq týrnırdiń qorytyndysy jarııalandy, dep habarlaıdy QazAqparat tilshisi.
QR Eńbek sińirgen qaıratkeri, KSRO sport sheberi, KSRO-ǵa eńbegi sińgen bapker Qýandyq Bákenov uzaq jyldar boıy jambyldyq palýandardy jattyqtyrǵan.
Jambyl oblystyq sport jáne dene tárbıesi basqarmasy atalmysh týrnırge Qazaqstannyń bes oblysynan jáne Almaty qalasynan 250 palýan qatysqanyn jetkizdi.
«Týrnır nátıjeleri boıynsha jalpykomandalyq birinshi oryndy jambyldyqtar jeńip aldy, ekinshi orynǵa Qyzylordanyń sportshylary, al úshinshi orynǵa shymkenttikter ornalasty. Kamran Mehrıev, Qýat Aıtbaı, Dımash Aman, Aıan Asanov, Nurbol Áshim, Tarlas Áshirhanov, Sultan Qadyrkul, Temirbek Ertileý, Dastan Nartaı men Ersultan Amantaı Jambyldyq komandaǵa 10 altyn medal alyp keldi. Sondaı-aq, Jambyl quramasy 4 kúmis, 12 qola medal ıelendi», - dedi Oblystyq sport jáne dene tárbıesi basqarmasynyń baspasóz qyzmetindegiler.
Grek-rım kúresinen oblystyń aǵa jattyqtyrýshysy Qydyráli Janseıitovtiń aıtýynsha, osydan keıin jambyldyq komanda 17 tamyz kúni Qyzylordada ótetin grek-rım kúresinen Qazaqstan chempıonatyna daıyndyqty bastaıdy.
