Jambyldyq oqýshylarǵa 1541 planshet, 2756 monoblok, 1200 noýtbýk jetkizildi
TARAZ. QazAqparat – Jambyl oblysy ákimdiginiń bilim basqarmasyna memlekettik satyp alý konkýrsynyń jeńimpazy atanǵan «Servıs Mag» kompanııasy 1541 planshet jetkizdi. Aldaǵy ýaqytta planshetter aýdandyq jáne qalalyq bilim bólimderine taratylatyn bolady, dep habarlaıdy QazAqparat tilshisi.
Kompıýterlik tehnıka birinshi kezekte osal toptaǵy otbasylardyń balalaryna ýaqytsha paıdalanýǵa beriletin bolady.
Atalǵan basqarma baspasóz qyzmetiniń málimetterine qaraǵanda, buǵan deıin, 23 qyrkúıekte óńirge memlekettik satyp alý konkýrsynyń jeńimpazy atanǵan «Barys system» kompanııasy 2756 monoblok, al «Best buy 01» kompanııasy 1200 noýtbýk jetkizgen.
Oblystyq bilim basqarmasynan qurylǵan arnaıy monıtorıngtik top músheleri kompıýterlik tehnıkalardy jetkizý jáne taratýǵa qatysyp, kompıýterlerdiń tehnıkalyq sıpattamaǵa sáıkestigin tekserdi. Al kompıýterlik tehnıkalardy satyp alý, taratý jumystary QR Sybaılas jemqorlyqqa qarsy is-qımyl agenttiginiń Jambyl oblystyq departamenti jáne «Adaldyq alańy» jobalyq ofısiniń tikeleı baqylaýynda.
Aıta keteıik, elimizdegi pandemııaǵa baılanysty oblysta 2020-2021 oqý jylynda oqý protsesi eki túrli formatta uıymdastyryldy.
Óńirdegi 229 mektepte 148,7 myń oqýshy qashyqtan, al epıdemıologııalyq jaǵdaı turaqty shalǵaı eldi mekenderde ornalasqan 213 mektepte 32 myń oqýshy dástúrli túrde oqýda. Budan
bólek, qashyqtan oqytatyn 222 mekteptegi 4 385 kezekshi bastaýysh synypta 58 myń oqýshy bilim alýda.
