Jambyldyq memlekettik qyzmetkerler sport keshenderin tegin paıdalanady
TARAZ. QazAqparat - Jambyl oblysynda memlekettik qyzmetkerlerdiń sporttyq nysandarǵa qoljetimdiligi týraly arnaıy memorandýmǵa qol qoıyldy, dep habarlaıdy «QazAqparat» tilshisi.
Memorandým Jambyl oblysy boıynsha Memlekettik qyzmet isteri agenttigi jáne sybaılas jemqorlyqqa qarsy is-qımyl agenttiginiń departament dırektory Maqsut Nálibaev pen oblys ákimdiginiń dene shynyqtyrý jáne sport basqarmasynyń bastyǵy Nurbol Júnisbekov arasynda jasaldy.
«Yntymaqtastyq aıasynda oblystyń memlekettik qyzmetkerleri tegin sport zaldarymen qamtamasyz etiledi. Oblystyq sport basqarmasy memlekettik qyzmetkerlerge 20-dan astam sporttyq nysandardy bóledi. Ol jerlerde birneshe sport túrlerimen aınalysýǵa múmkindik bar. Bul fýtbol, voleıbol, basketbol, boks jáne basqa da sport túrleri», - dep habarlaıdy vedomstvo.
Osyǵan oraı, sport nysandarynyń kestesi, aptanyń yńǵaıly kúnderi jáne memlekettik qyzmetkerlerdiń kelý ýaqyttary maquldandy.
