Jambyldyq mektepterde tsıfrlandyrýdyń zamanaýı jańalyqtary engizilip jatyr
TARAZ. QazAqparat - «Tsıfrlyq Qazaqstan» baǵdarlamasy aıasynda jambyldyq oqýshylarǵa jańa IT-lıtseıde aqparattyq tehnologııalar oqytylady, dep habarlaıdy QazAqparat tilshisi.
Tarazda orta bilim berý mekemesi - daryndy balalarǵa arnalǵan ІT lıtseı-ınternatynyń negizi bıyl qalandy, onyń ashylý saltanatyna QR Premer-Mınıstri Baqytjan Saǵyntaev qatysty.
«Bizdiń oblysta balalar men jastardyń bilim sapasyn arttyrýǵa úlken kóńil bólinedi. Aımaq basshysy Asqar Myrzahmetov tsıfrlandyrýdyń barlyq zamanaýı jetistikterin bilim berý úderisine engizýdi qolǵa alýda. «2018-2020 jyldarǵa arnalǵan tsıfrlyq ekonomıka úshin adamı kapıtaldy damytýdyń jol kartasy» baǵdarlamasy boıynsha bıyl Qazaqstan Respýblıkasynyń Bilim jáne ǵylym mınıstrligi 7-11-synyp oqýshylary úshin 320 balaǵa arnalǵan oblystyq mamandandyrylǵan IT-lıtseı-ınternatyn ashty. Oqýshylar men muǵalimder konkýrstyq negizde irikteldi», - dedi QazAqparat tilshisi Jambyl oblystyq bilim basqarmasynyń basshysy Rahııa Turmaǵanbetova.
IT-lıtseıde oqýshylar jaratylystaný ǵylymdary, robototehnıka, aqparattyq tehnologııalar, dızaın jáne baǵdarlamalaý salalaryn tereńdetip oqıdy. Munda úsh tilde bilim beriledi.
Taıaýda Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary Aıgúl Shaıymova osy bilim berý mekemesinde oqý úrdisiniń qalaı júrgizilip jatqanymen tanysqan edi.
Daryndy balalarǵa arnalǵan ІT lıtseı-ınternatynyń dırektory Aıdar Turabaev túsindirgendeı, bul mektep zamanaýı jabdyqtarmen jabdyqtalǵan, sondaı-aq munda ozyq tehnologııalar paıdalanylady.
«1,7 gektar aýmaqta zamanaýı ǵımarat ornalasqan, onda synyptar men oqýshylarǵa arnalǵan turǵyn úı kesheni bar. Aldaǵy 2019-2020 oqý jylynda qurylysty 300 orynǵa uzartý josparlanýda. Búginde munda alty synyp bar. 12 oqý kabıneti, eki kompıýter kabıneti, kitaphana, LMK, STEM zerthanasy, veb-baǵdarlamalaý kabınetteri, robototehnıka, medıtsınalyq keshen, jattyǵý zaly jáne akt zaly, ashana bar», - dedi lıtseıdiń dırektory.
Qonaqtarǵa balalardyń qalaı ómir súrip jáne bilim alyp jatqandaryn kórsetti.
Eske salaıyq, Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary Aıgúl Shaıymova Jambyl oblysyna issaparmen kelgen bolatyn. Ol óńirge jasaǵan jumys sapary barysynda oblystyq ákimdikte «Jambyl - adaldyq alańy» jobasynyń jarǵysyna qol qoıdy. Endi Áýlıe ata jerinde jemqorlyqqa qarsy jańa tájirıbe jumys isteıtin bolady.
