Jambyldyq qutqarýshylar basqa óńirlerge kómek kórsetýge daıyn
TARAZ. QazAqparat – Jambyl oblysy TJD kúshteri men quraldary kóktemgi TJ-ǵa qarsy basqa óńirlerge kómek kórsetýge daıyn, dep habarlaıdy QazAqparat.
Aǵymdaǵy jylǵy oblysta qar az tústi, biraq TJ departamentiniń mamandary qyraǵylyqty joǵaltpaıdy jáne barlyq qajetti is-sharalardy atqardy. Sý tasqyny jaǵdaıynyń aldyn alý jáne jedel áreket etý maqsatynda azamattyq qorǵaý qyzmetteriniń kúshterin paıdalanýdyń utymdy joldary qarastyryldy.
«Jambyl oblysy TJD kúshteri men quraldary kóktemgi TJ-ǵa qarsy basqa óńirlerge kómek kórsetýge daıyn. Basqa oblystarǵa barý úshin 26 adam jáne 6 arnaıy tehnıka jabdyqtary men júzý quraldary bar tehnıka daıyndyqqa keltirildi. Avarııalyq-qutqarý jumystaryn júrgizý kezinde jeke quramnyń qaýipsizdigi úshin Departament basshylyǵy nusqaýlyq ótkizdi»,- deıdi TJD ishki jáne syrtqy kommýnıkatsııalar tobynyn bas mamany Sáýle Munataeva.
Sondaı-aq, bas mamannyń aıtýynsha, «Kóktem» respýblıkalyq komandalyq-shtabtyq oqý-jattyǵý aıasynda barlyq múddeli organdardy tarta otyryp, arnaıy-taktıkalyq oqý-jattyǵý ótkizilgen. Eldi mekenderdi, sharýashylyq júrgizý obektilerin jáne halyqty qorǵaý úshin oblysta sý obektilerin retteý, ondaǵy sýdyń qaýipsiz deńgeıin ustaý, sý qoımalary men sý toraptarynyń turaqtylyǵyn arttyrý jónindegi is-sharalar iske asyrylýda.
Óńirdegi iri sý qoımalary – Kırov, Tasótkel, Teris-Aşybulaq boıynsha jumys rejıminiń kestesi ázirlenip, olardyń tolý deńgeıi baqylaýǵa alyndy.
