Jambyldyq qurylysshylar Arystaǵy 300 úıdi paıdalanýǵa berdi

TARAZ. QazAqparat –Jambyldyq qurylysshylar Arys qalasyndaǵy 300 úıdi jóndep, paıdalanýǵa berip úlgerdi, dep habarlaıdy QazAqparat tilshisi.

Aıta keteıik, Arys qalasynyń aýmaǵy 17 sektorǵa bólingen bolsa, Jambyl oblysyna 3-shi sektordaǵy 11 kóshede ornalasqan 312 jeke turǵyn úılerdi qalpyna keltirý jumystary júktelgen.

Búginde oblysqa tıesili bólinistegi ornalasqan 312 jeke turǵyn úıdiń 2-ýi qaıta soǵylyp jatyr. Qalǵan 310 turǵyn úıdiń 300-inde jóndeý jumystary aıaqtalyp, 12 turǵyn úı boıynsha qalpyna keltirý sharalary atqarylýda.

3-shi sektor boıynsha Jambyl oblysynan 4 qurylys kompanııasy, 10 tehnadzor onyń 5-ýi Túrkistan oblysy ákimdigi tarapynan jáne 500-ge jýyq qurylysshy, 20 tehnıka jumyldyrylǵan.

Sondaı-aq, oblystyq bilim basqarmasynyń málimetinshe, buǵan deıin Arys qalasynyń 423 balasy Jambyldaǵy jazǵy saýyqtyrý lagerlerinde demalǵan. Qazirgi tańda arystyq 25 bala jazǵy demalystaryn óńir lagerinde qyzyqty ótkerýde.