Jambyldyq kúrdter ata-baba rýhyna taǵzym etti
Jambyl oblysy Grodekovo eldimekenindegi mádenıet úıinde Qazaqstan Respýblıkasy «Barbang» kúrdiler assotsıatsııasynyń Jambyl oblysyndaǵy respýblıkalyq fılıaly» etnomádenı birlestigi etnos kúnine oraı saıası repressııa qurbandaryn eske alý sharasyn ótkizdi.
Atalmysh sharanyń shymyldyǵy Jambyl oblystyq Kúrdiler assotsıatsııasynyń Aqsaqaldar keńesiniń tóraǵasy Ibragım Asanuly Alıevtyń alǵy sózimen ashyldy. Ibragım Asanuly el bolashaǵyn oılaıtyn, úlkenge qurmet, kishige izet kórsetip, ata-baba rýhyna taǵzym etetin jastardyń baryna qýanatynyn jáne kúrdi etnosynyń Qazaqstanǵa qalaı kelgendigi jaıly aıtyp, etnos kúnimen quttyqtady:
«Osydan 82 jyl buryn saıası repressııanyń qýǵyn-súrginine ushyraǵan Kúrdi halqy Qazaqstanǵa jer aýdardy. Qıyn kezeńderdi bastan ótkergenimizge qaramastan, ózimizdiń tilimizdi, dilimizdi, mádenıet, ádet-ǵuryptarymyzdy joǵaltqan emespiz. Qazir Qazaqstan jerinde, Elbasymyzdyń kóregen saıasatynyń, jalpy qazaq halqynyń keńdiginiń arqasynda qanatymyzdy keń jaıa turaqtap qaldyq. Endigi bizdiń basty maqsatymyz - etnosaralyq kelisim men birlikti saqtaı otyryp, Qazaqstannyń ár salada damýyna aıanbaı óz úlesimizdi qosý», - dedi I. Asanuly.
Ary qaraı Mádenıet úıiniń kógildir ekranynan jınalǵan jurtshylyqqa repressııa kezinde deportatsııalanǵan óńirlik kúrdilerdiń hal-ahýaly, salt-dástúri, ádet-ǵuryptaryna qatysty tarıhı derektermen qýattalǵan beıne rolıkter kórsetildi.
Shara barysynda Kúrdi assotsıatsııasynyń tóraǵasy Hano Abdýllauly kúrdi etnosyna qosqan úlesteri, Qazaqstan halqy assambleıasyna sińirgen eńbekteri jáne qoǵamdyq jumystarǵa belsene at salysqany úshin Jambyl oblysy jáne Taraz qalasynyń belsendilerin Alǵys hattarmen marapattady.
Ata-baba rýhyna taǵzym etýge arnalǵan kesh ary qaraı kúrdiler qoǵamdyq birlestigi jastarynyń qatysýymen etnıkalyq «dav-zýrna» kontsertimen jalǵasty.
