Jambyldyq kóliktik baqylaý ınspektorlary 2 mln teńgeden astam aıyppuldy qasaqana salmaǵan
Zańbuzýshylyqtar Sybaılas jemqorlyqqa qarsy is-qımyl agenttiginiń Jambyl oblysy boıynsha departamenti oblystyq kóliktik baqylaý ınspektsııasynyń qyzmetindegi sybaılas jemqorlyq táýekelderine júrgizgen syrtqy taldaý barysynda anyqtaǵan.
«Atap aıtqanda, baqylaýdy qamtamasyz etetin tahograftan aqparatty oqýǵa arnalǵan jabdyq jáne televızııalyq beınebaqylaý júıesi múldem qamtylmaǵan.
Budan bólek, keýde beınetúsirilim jazbalaryn zerdeleý barysynda keıbir ólsheý nátıjeleriniń qorytyndy kórsetkishteri joqtyǵy anyqtalǵan. ıAǵnı shamadan tys júkteme faktisin anyqtaý múmkindiginiń joqtyǵymen qatar, ákimshilik hattamalardy rásimdeý sátteri túsirilmeı, tekserý protsesstiń tolyqtyǵy qamtamasyz etilmegen», - dep jazdy vedomstvodan.
Óz kezeginde, atalǵan buzýshylyqtar kólik quraldarynyń mobıldi tarazylarynda tekserilgen jáne júrgizilgen ólshemder sanyn naqty esepke alýdyń bolmaýyna, sondaı-aq, jaýapkershilikten jaltarý men jekelegen tasymaldaýshylarǵa zańsyz artyqshylyq kórsetý túrindegi sybaılas jemqorlyq táýekelderge ákep soǵady.
«Mysaly, ınspektsııa qyzmetkerleriniń óz fýnktsıonaldyq mindetterin tıisinshe oryndamaýynyń saldarynan tek 2021 jyly ınspektsııa qyzmetkerleri tarapynan QR ÁQBtK-niń 571-babynyń 9-bóligi jáne 571-1-baptarymen 34 ákimshilik materıal boıynsha jaýaptylyqqa tartý týraly sharalar qabyldamaı, 2 246 090 teńgege aıyppul salmaǵany belgili boldy», - delingen habarlamada.
Taldaý nátıjesinde, Jambyl oblysy boıynsha kóliktik baqylaý ınspektsııasynyń basshysy D.Kemelov pen 3 qyzmetkeri memlekettik qyzmetke kir keltiretin tártiptik teris qylyq jasaǵany úshin qyzmetine tolyq sáıkestigi emestigi týraly eskerý túrindegi tártiptik jaýapkershilikke tartyldy.