Jambyldyq kásiporyndar zııandy qaldyqtar úshin 2,6 mlrd teńge tóledi
TARAZ. QazAqparat - Ekologtar Jambyl oblysynda qorshaǵan ortanyń jaǵdaıynyń nasharlaǵandyǵyn aıtýda, dep habarlaıdy QazAqparat.
Osyǵan baılanysty jergilikti bılik ókilderi atomosferaǵa tastalatyn zııandy zattar úshin emıssııalardy baqylaý maqsatynda keshendi sharalardy daıyndady.
Energetıka mınıstrligi Ekologııalyq retteý jáne baqylaý komıtetiniń bas memlekettik ekologııalyq ınspektory Erlan Qoıshybaevtyń atýynsha, 2017 jyly óńirdegi taıbıǵatty paıdalanýshylarǵa qatysty 93 tekserý júrgizilgen.
«Búgingi tańda óńirimizde 2 390 tabıǵatty paıdalanýshy bar, olardyń 270-i birinshi dárejeli. Ótken jyly ekologııalyq saraptama keńesi «Qazfosfat» mıneraldy tyńaıtqyshtar zaýyty, «Qarataý» mekemesi men «Ortalyq» kenishi, «Kók-sý» shahtasy men «Birlesken ónerkásip aımaǵy», Araltóbe jáne Kesiktóbe kenishteri, «EvroHım-Ýdobrenıe» mekemeleriniń birqatar jobalaryn qarap shyqty. Nátıjesinde tapsyrys berýshilerdiń suranystarymen salystyrǵanda emıssııalar kólemi 7,2 myń tonnaǵa azaıǵan»,-dep túsindirdi Erlan Qoıshybaev.
Spıker kásiporyndardyń qorshaǵan ortany qorǵaýǵa baǵyttalǵan sharalarǵa arnalǵan 956,2 mln teńgesiniń 84/2 paıyzyn ıgergen. Oblys bıýdjetinen qorshaǵan ortany qorǵaýǵa bólingen 721,5 mln teńgeniń 95,4 paıyzy ıgerilgen. Ótken jyldyń qorytyndysy boıynsha, tabıǵatty paıdalanýshylar qorshaǵan ortany qorǵaý emıssııasyna 2,6 mlrd teńge tóledi.
«Tabıǵatty paıdalanýshylardy tekserý barysynda ótken jyly 129 zań buzý faktisi anyqtalyp, kemshilikterdi joıý jóninde 122 usynys jiberilgen, olardyń 115-i osy ýaqytta atqarylǵan. Ótken jyldardan kele jatqan isterge baılanysty qosymsha sot sheshimi boıynsha 78,2 mln teńge alyndy»,-dedi Jambyl oblysynyń bas ekologııalyq ınvpekstory.
