Jambyldyq Isaevtar otbasy túrli ulttyń 9 balasyn baýyryna basty
Botagóz Bakeeva ómirlik qıyn jaǵdaıdaǵy balalardy qoldaý ortalyǵynyń 9 tárbıelenýshisiniń kóńiline qýanysh syılap, baýyryna basty. Altyn júrekti ana óziniń 4 balasynan bólek ata-anasynyń qamqorlyǵynsyz qalǵan balalardy qanatynyń astyna aldy. Ekiniń biri bara qoımaıtyn bul qadamyn ol erlik dep baǵalamaıdy. Jaı ǵana adamdyq paryz, meıirim dep biledi.
«Ár bala otbasynda tárbıelený kerek qoı. Ol otbasynyń jylýyn kóredi. Ata-ananyń, apa men atanyń qarym-qatynasy arqyly meıirimge bólenedi. Otbasynda balalar úıinde berilmeıtin qundylyqtar bar. Mysaly, kez kelgen jaǵdaıda úıge kómektesý, bir-birimen durys qarym-qatynasta bolý, kómek berý, baýyrmal bolý degen sııaqty. Kóp qundylyqtardy otbasynda úırenedi dep oılaımyn. Meıirimge qanyp ósken bala bolashaqta jaqsy adam bolyp boı túzeıdi»,- deıdi Botagóz Bakeeva.
Isaevtar otbasy qamqorlyǵyna alǵan balalar áke meıirimi men ananyń ystyq alaqanyna zárý ekendigi anyq. Olar basqa ult ókilderi bolsa da ózderine qoldaý kórsetip, qamqorlyǵyna alǵan jandarǵa alǵystary sheksiz.
Aıta keteıik, qazirgi tańda Jambyl oblysynda bir ǵana ómirlik qıyn jaǵdaıdaǵy balalardy qoldaý ortalyǵy bar. Ortalyqta 68 bala tárbıelenýde. Onyń ishinde 50 baldyrǵan ata-ana qamqorlyǵynsyz qalǵan. Ótken jyldan beri 34 bala patronattyq tárbıege alynsa, 1 búldirshindi asyrap alynǵan. Al 13 bala óz otbasylaryna qaıtarylypty.
