Jambyldyq dárigerler alǵash ret 3-satydaǵy onkonaýqastarǵa ota jasaı bastady
TARAZ. QazAqparat – Jambyldyq dárigerler alǵash ret 3-satydaǵy onkonaýqastarǵa biregeı ota jasaı bastady, - dep habarlaıdy QazAqparat tilshisi.
Jambyl oblystyq kópbeıindi aýrýhanasynyń onkologııalyq bólimine óńeshtiń qaterli isigi asqynǵan 52 jastaǵy Shý aýdanynyń turǵyny kelip túsken. Boıy men salmaǵy qalypty normaǵa sáıkes kelmeıtin naýqastyń jaǵdaıy alǵashynda óte nashar bolǵan edi
Shuǵyl túrde qabyldanǵan sheshimnen soń naýqasqa bilikti de bilimdi, tájirıbeli dáriger Jandos Seıdahmetovtyń basshylyǵymen ota jasaldy. Ota barysynda óńeshke totaldy rezektsııasymen qorektik tútikshe ornatylyp, óńesh boıyndaǵy óskinder alynyp tastaldy. Sondaı-aq, asqazandy jumyldyrý em-sharaly júrgizilgen. Alǵashqy otadan soń-aq naýqastyń jaǵdaıy jaqsaryp, arnaıy tútikshe arqyly tamaqtana bastaǵan.
«Naýqasqa birneshe márte operatsııa jasaý qajet. Kelesi joly biz toq ishektiń kesindisinen óńesh arqyly qorektik zattardyń ótkizgishtigin qalpyna keltirmekpiz. ıAǵnı, tabıǵı jolmen tamaqtanýyn jolǵa qoıamyz», - deıdi hırýrgııa bóliminiń meńgerýshisi J. Seıdahmetov.
Búginde 52 jastaǵy azamattyń jaǵdaıy jaqsaryp, úıine shyǵaryldy. Operatsııa sátti ótkendikten, hımııalyq terapııa qabyldaý qajet emes.
Aıta keteıik, Jambyl oblystyq kópbeıindi aýrýhanasynyń onkologııalyq qurylymynyń dárigerlerimen alǵash ret 3-satydaǵy onkonaýqastarǵa jasalynǵan eki ota da sátti ótken.
