Jambyldyq basshy 160 mıllıon teńgeniń sýbsıdııasyn týystaryna bólip bergen

TARAZ. QazAqparat - QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń oblystyq departamenti Jambyl oblysynda sýbsıdııalardyń zańsyz bólinýin anyqtady, dep habarlaıdy QazAqparat tilshisi vedomstvonyń baspasóz qyzmetine silteme jasap.

Departament ókilderiniń aıtýynsha, Shý aýdany ákimdiginiń aýyl sharýashylyǵy bóliminiń basshysy S. Seıdahmetov janar-jaǵarmaılar úshin 160 mln teńge mólsherindegi sýbsıdııany zańsyz bólgen.

Aýdanda eń iri mólsherdegi sýbsıdııalar 2014-2016 jyldar aralyǵynda «Bektibaı», «Bektibaı-1», «Samat» jáne «Erkin» sharýa qojalyqtaryna berilgen. Tekserýler kezinde sýbsıdııalardy Seıdahmetovtiń jaqyn týystary: aǵasy, jeńgesi, áıeli jáne balasy alǵany anyqtaldy.

Departament S. Seıdahmetovti jumysynan bosatty.

Qazir oǵan qatysty qylmystyq is qozǵalǵan.