Jambyldyq bankırler oblys turǵyndaryn ıpotekalyq nesıelerin qaıta qarjylandyrý múmkindigin paıdalanýǵa asyǵýǵa shaqyrdy
TARAZ. QazAqparat - Jambyldyqtar memleket usynǵan ıpotekalyq nesıelerdi qaıta qarjylandyrý jáne depozıtter boıynsha ótemaqylar múmkindikterin paıdalaný úshin bankterge barýǵa asyqpaı otyr. Bul týraly búgin Tarazda bankterdiń ókilderiniń qatysýymen ótken baspasóz máslıhaty barysynda Ulttyq banktiń jambyldyq fılıalynyń basshysy Aıdaıbek Halımbetov málim etti.
Onyń aıtýynsha, Jambyl oblysynda baǵdarlama aıasynda qaıta qarjylandyrýǵa jatqyzylatyn 2 808 ıpotekalyq qaryzdyń ishinen tek 775 qaryzger ótinim bergen. Sonyń ishinde 487 ótinim maquldanyp, 272 ótinim boıynsha 700 mln. teńgege sheshim qabyldandy.
Budan basqa, jeke tulǵalardyń depozıtteri boıynsha kýrstyq baǵam aıyrmashylyǵy boıynsha ótemaqysyna jatqyzylatyn 43 myń salymnyń ishinen qarashada tek 3 892 ótinim berilgen. «Bul jaǵdaı alańdatady. Ókinishke qaraı, ıpotekalyq nesıelerdi qaıta qarjylandyrýda da, sondaı-aq jeke tulǵalardyń ulttyq valıýtada ashqan depozıtteriniń kýrstyq baǵam aıyrmashylyǵy boıynsha ótemaqysynda da biz turǵyndardyń belsendiliginiń tómen ekenin baqylap otyrmyz. Jambyl oblysynyń ákimi Kárim Kókirekbaevtyń tapsyrmasymen atalǵan sharany ótkizip, buqaralyq aqparat quraldary arqyly azamattardy asyǵýǵa shaqyramyz», - dep atap ótti A.Halımbetov. Ultyq bank fılıalynyń basshysy eki baǵdarlama boıynsha merzimderdiń aıaqtalyp kele jatqanyn atap ótti. Eske sala keteıik, Qazaqstanda turǵyn úı qaryzdaryn qaıta qarjylandyrýǵa memleket tarapynan 130 mlrd. teńge bólingen.
