Jambyldyq Antıkor mektepterde aqsha jınaý faktilerin toqtatýdy talap etti

TARAZ. QazAqparat - Jambyl oblysyndaǵy Sybaılas jemqorlyqqa qarsy is-qımyl qyzmeti mamandary bilim salasyndaǵy baqylaý departamenti jáne oblys ákimdiginiń bilim basqarmasy ókilderimen birge sybaılas jemqorlyq quqyq buzýshylyqtaryn jasaýǵa yqpal etetin jaǵdaılardyń týyndaý sebepterin talqylandy, dep habarlaıdy QazAqparat.

Sharaǵa Taraz qalasynyń mektepke deıingi jáne bilim berý mekemeleriniń pedagogıkalyq ujym jáne basshylyq quram qatysty.

«Ókinishke oraı, qabyldanyp jatqan aldyn alý sharalaryna qaramastan, bilim berý júıesinde sybaılas jemqorlyq táýekelderi seıilmeı tur. Óńirde bilim salasy boıynsha 2019 jyly – 6, 2020 jyly – 5, 2021 jyly – 2, bıyl 6 qylmys tirkelip otyr. Oǵan sebep, atalǵan saladaǵy jemqorlyq táýekelderiniń kezdesýinde, ıaǵnı jumysqa qabyldaý, saǵattardy bólý barysynda para alý, memlekettik satyp alý kezinde bıýdjet qarjysyn jymqyrý, taýarlardy qymbat baǵamen satyp alý, oryndalmaǵan jumystar úshin aqsha aýdarý, ujymda qarajat jınaý, bala asyrap alý úshin qujattar jasaýǵa para suraý, laýazymdy asyra paıdalaný jáne taǵy basqa», - dedi Antıkor ókili Daýren Omarov.

Ol quqyq buzýshylyq úshin ákimshilik jáne qylmystyq jaýapkershilikke toqtalyp, sonymen qatar sybaılas jemqorlyq táýekelderiniń aldyn alý boıynsha uıymdastyrý jumystaryn kúsheıtý qajettigin atap ótti.