Jambyldyq 34 otbasy soltústik óńirlerge qonys aýdarǵan
TARAZ. QazAqparat - Bıyl soltústikke kóshirý baǵdarlamasy boıynsha jambyldyq 34 otbasy Qazaqstannyń soltústik oblystaryna qonys aýdaraǵan, dep habarlaıdy QazAqparat óńir ákiminiń baspasóz qyzmetine silteme jasap.
Ótken jyly Jambyl oblysynyń Qordaı aýdanynan Soltústik Qazaqstan oblysyna 26 otbasy kóshken. Halyq turǵylyqty jerlerin aýystyrmas buryn Qordaı aýdanynan bir top delegatsııa Soltústik Qazaqstanǵa baryp qaıtqan bolatyn. Delegatsııa quramyna Qordaı aýdanynyń basshylyǵy, Sortóbe aýyldyq okrýginiń ákimi, №50 orta mektep dırektory, Masanshy aýylynyń qarııalary kirgen. Olar SQO basshylyǵymen kezdesken soń ornalasýǵa usynylǵan jerlerdi talqylap, oblystyń úsh aýdanyn qarastyrǵan. Týǵan jerge oralǵan soń turǵyndarǵa barlyǵy qaıta túsindirildi, nátıjesinde Soltústik Qazaqstan oblysynyń aýdandaryna qordaılyq 26 otbasy qonys aýdarýǵa nıet bildirdi.
«Soltústik, Shyǵys, Qostanaı jáne Pavlodar oblystarynan kelip túsken bos jumys oryndardyń tizimi oblystyń barlyq qalalyq jáne aýdandyq halyqty qyzmetpen qamtý ortalyqtaryna jiberiledi. Turǵyndarǵa túsindirý nátıjesinde osy jyldyń 1 mamyrynda oblystan 34 otbasy, ıaǵnı 159 adam kóshirildi. 27 otbasy Soltústik Qazaqstanǵa qonystansa, 5 otbasy Pavlodar oblysyna, 2 otbasy Shyǵys Qazaqstanǵa ketti. Barlyq otbasylarǵa úıler men jer telimderi berildi», - dedi oblystyq ákimdikte.
Tarazda jaqynda soltústik oblystardyń (ShQO, Pavlodar jáne Qostanaı) ókilderiniń qatysýymen aımaqaralyq bos oryndar jármeńkesi ótti.
Jármeńkede kóshirý múmkin jerler men mamandyqtar boıynsha bos jumys oryndar usynyldy, dep atap ótti Jambyl oblysynyń ákimdiginde.
