Jambyldaǵy jol apatynan zardap shekken ózbekstandyqtar úshin jedel jeli iske qosyldy
TARAZ. QazAqparat –Jambyl oblysynda bolǵan iri jol apatyna qatysty jedel jeli telefondary qosyldy,- dep habarlaıdy QazAqparat tilshisi.
Jýaly aýdany, Baýyrjan Momyshuly aýylynan 6 shaqyrym qashyqtyqta Almaty –Tashkent tasjolynyń 571 shaqyrymynda jol apatyna túsken Ózbekstan Respýblıkasynda tirkelgen avtobýsta bolǵan jolaýshylar men júrgizýshilerdiń týystary men jaqyndaryna psıhologııalyq kómek kórsetý boıynsha jedel jeli telefondary ashyldy. Bul týraly oblystyq tótenshe jaǵdaılar departamentiniń baspasóz qyzmeti habarlady.
«Jambyl oblysy Tótenshe jaǵdaılar departamentiniń qyzmetkerleri oqıǵa ornynda avarııalyq-qutqarý jumystaryn júrgizip jatyr. Órt sóndirý qyzmetinen barlyǵy 38 qyzmetker men 10 birlik tehnıka jáne Apattar medıtsınasy ortalyǵynyń 2 qyzmetkeri men 1 birlik tehnıkasy jumyldyryldy. Oqıǵanyń naqty sebepteri quzyrly organdar anyqtaıdy»,-delingen vedomstvo habarlamasynda.
Jedel jeli telefondary 8 (7262) 51-35-75, 51-41-67
Osyǵan deıin avtobýs pen traktor soqtyǵysyp, eki adam qaza tapqanyn jazǵan bolatynbyz.
Sondaı-aq, Shý aýdanynda tártip saqshylaryn jabyla uryp ketkenderdiń ishin qyzdar da bar ekenin, qańtar oqıǵasy kezinde urlanǵan qarý-jaraq arsenalynyń tabylǵany týraly da jarııalaǵanbyz.
Osyǵan deıin Jambyl oblysynyń Moıynqum aýdanynda polıtseıler aýmaqty patrýldeý kezinde Aqbaqaı aýylynyń mańynda ornalasqan «Qarakóz» shahtasynda taý jynystaryn zańsyz óndirýmen aınalysqan bir top adamdy anyqtaǵanyn jazǵanbyz.
Polıtsııa qyzmetkerleri 1976, 1992,1994 jáne 1990 jyldary týǵan alty jumysshyny ustady. Onyń beseýi - Jambyl oblysynyń, al bireýi - Almaty oblysynyń turǵyny bolyp shyqty.
