Jambyldaǵy jarylystan zardap shekken aýyl mektepteri qalaı jumys istep jatyr
Baızaq, Bazarbaı, Jańaturmys, Kókbastaý aýyldarynda ornalasqan mektepter tolyǵymen qalpyna keltirilip, birinshi qyrkúıekten bastap oqýshylardy qabyldap, oqý shtattyq rejımde ótkizilýde.
Jibek joly aýylyndaǵy №5 mektep ǵımaraty 1958 jyly salynǵan. Munda 115 bala oqıdy. Áskerı bólimdegi jarylystan keıin keı jerlerdiń tóbesi opyrylyp, qabyrǵalary, tereze oıyqtary búlingen. Ǵımarat apatty jaǵdaıda tur. Qazir 150 oryndyq jańa ǵımarattyń qurylysyna JSQ daıyndalýda. Jer telimi bólindi.
№5 mektep oqýshylary qazir Jibek joly aýylynan 4 shaqyrym jerde ornalasqan Jańaturmys aýylyndaǵy mektepte bilim alýda. Balalardy tasylmaldaý úshin mektep avtobýstary bólingen.
Qalǵan mektepter búlinbegen jáne shtattyq rejımde jumys isteýdi jalǵastyrýda.
Esterińizge sala ketsek, 26 tamyzda saǵat shamamen 19:00-de Jambyl oblysynyń Baızaq aýdanynda ornalasqan áskerı bólim qoımalarynyń birinen órt shyǵyp, joıqyn jarylys boldy. Sońǵy málimet boıynsha, Jambyl oblysyndaǵy jarylystan 15 adam qaza tapqan.
QR Prezıdenti Qasym-Jomart Toqaev 29 tamyzdy Jalpyulttyq aza tutý kúni dep jarııalady.
27 tamyzda Memleket basshysy Qasym-Jomart Toqaev atalmysh tótenshe jaǵdaı boıynsha shuǵyl jınalys ótkizip, vedomstvoaralyq memlekettik komıssııa qurýdy tapsyrdy.
Sondaı-aq, ol Bas prokýratýra men Іshki ister mınıstrligine Jambyl oblysyndaǵy oqys oqıǵanyń mán-jaıyn jáne kinálilerdi anyqtaý úshin sotqa deıingi tergeý amaldaryn muqııat júrgizýdi júktedi.
