Jambyldaǵy jarylys: 56 adamǵa shuǵyl psıhologııalyq kómek kórsetildi

NUR-SULTAN. QazAqparat – Jambyl oblysynda bolǵan jarylystan keıin 56 adamǵa shuǵyl túrde psıhologııalyq kómek qajet boldy. Bul týraly QR Tótenshe jaǵdaılar mınıstrligi shuǵyl jaǵdaıda psıhologııalyq kómek kórsetý bóliminiń jetekshisi Dınara Jaqybekova málim etti, dep habarlaıdy QazAqparat tilshisi.

«Bizdiń jumysymyz jedel qyzmet túrine jatady. ıAǵnı tótenshe jaǵdaıǵa tap bolǵan adamǵa shuǵyl psıhologııalyq kómek kórsetemiz. Jıi bolatyn tótenshe jaǵdaılar - órt pen jol-kólik apaty. Elimizde jylyna shamamen 700 adam túrli tótenshe jaǵdaıdan zardap shegedi. Jaǵdaı ártúrli. Mysaly, Jambyl oblysynda bolǵan tótenshe jaǵdaıdy bilesizder. Jarylystyń saldarynan adamdar zardap shekti. Ol jerde bizdiń mamandar jergilikti halyqqa psıhologııalyq turǵydan kómek kórsetti», - dedi Dınara Jaqybekova.

Onyń aıtýynsha, jylyna túrli jaǵdaıǵa tap bolǵan 150-den astam adamǵa shuǵyl psıhologııalyq kómek kórsetiledi.

«Jambyl oblysynda 2 psıholog maman jumys istedik. Jarylys bolǵan eldimekende úılerdi aralap, turǵyndarmen psıhologııalyq áńgime ótkizdik. Sondaı-aq, aýrýhanaǵa túsken adamdar men áskerı bólim qyzmetkerlerine de psıhologııalyq kómek usyndyq. Eki kúnniń ishinde 56 adamǵa shuǵyl jaǵdaıda psıhologııalyq kómek qajet boldy», - deıdi ol.

Eske sala ketsek, bıyl 26 tamyzda Jambyl oblysynyń Baızaq aýdanynda ornalasqan áskerı bólim qoımalarynyń birinen órt shyǵyp, jarylys boldy.