Jambyldaǵy shaǵyn jáne orta bıznes sýbektilerinde jumyspen qamtylǵandar 22,6%-ǵa ulǵaıdy

ASTANA. QazAqparat – Bıyl 4 aıda Jambyl oblysynyń aýmaǵyndaǵy shaǵyn jáne orta bıznes sýbektileriniń sany 102,9 myń birlikti qurap, ótken jylmen salystyrǵanda 37,7%-ǵa artty. Ortalyq kommýnıkatsııalar qymetindegi brıfıngide óńir basshysy Nurjan Nurjigitov osylaı málim etti, dep habaraıdy QazAqparat tilshisi.

«Óńirde shaǵyn jáne orta bıznes qarqyndy damyp keledi. Atap aıtsam, aǵymdaǵy jyldyń 4 aıynda shaǵyn jáne orta bıznes sýbektileriniń sany 102,9 myń birlikti qurap, 37,7%-ǵa artty. Jalpy, ótken jyldyń qorytyndysymen osy salada jumyspen qamtylǵandardyń sany 151,9 myń adam, ıaǵnı 22,6%-ǵa ulǵaıdy», - dep toqtaldy Jambyl oblysynyń ákimi Nurjan Nurjigitov.

Óńir basshysynyń málimdeýinshe, bıyl kásipkerlikti damytý jónindegi ulttyq joba aıasynda 198 jobaǵa 10,7 mlrd teńge nesıe berilgen.

«Sondaı-aq, ulttyq joba aıasynda 1100 kásipkerge qarjylaı qoldaý kórsetý arqyly jumys jasaıtyn sýbektiler sanyn 106 myńǵa deıin arttyryp, ondaǵy jumyspen qamtylǵandardyń sanyn 155 myńǵa deıin ulǵaıady dep kútilýde. Sonymen qatar, «Qarapaıym zattar ekonomıkasy» baǵdarlamasy aıasynda 70,7 mlrd teńgege 190 joba qarjylandyryldy», - dedi Nurjan Nurjigitov.