Jambyldaǵy «Rýhanııat» ortalyǵyna Sherhan Murtaza esimi berilýi múmkin
TARAZ. QazAqparat - Jambyl oblysynda halyq jazýshysy, qoǵam qaıratkeri Sherhan Murtaza atyndaǵy Rýhanııat ortalyǵy ashylýy múmkin, dep habarlaıdy QazAqparat tilshisi.
Sondaı-aq, qazaq ádebıeti men baspasóziniń belgili tulǵasynyń esimin óńirdegi 3 mektep jáne 2 kitaphana berý jolynda bastama kóterilip, ol baǵytta tıisti jumystar júrgizilýde. Bul týraly oblystyq tilderdi damytý basqarmasy basshysynyń mindetin atqarýshy Nábıra Súımanova jetkizdi.
Jańadan boı kóterip jatqan «Shahrıstan» etno-mádenı kesheninde «Rýhanııat» ortalyǵy salynyp jatyr.
«Soǵan Sherhan Murtazanyń esimin berý usynysy oblystyq máslıhat sessııasynda qaralyp, respýblıkalyq onomastıkalyq komıssııaǵa joldaǵanbyz. Komıssııa qorytyndysyn kútip otyrmyz. Budan bólek, Sherhan Murtazanyń esimin 3 mektepke jáne 2 kitaphanaǵa berý týraly usynystar túsken. Bul usynystardy oblys ákimi atynan hat daıyndap Prezıdent Ákimshiligine jiberdik», - dedi Nábıra Súımanova «Qazaq radıosyna» bergen suhbatynda.
