Jambyldaǵy pılottyq joba: Shalǵaı aýyldyń da sharýasy shalqymaq
TARAZ. QazAqparat – Jambyl oblysynda júzege asyp jatqan turǵyndardyń turmystyq tabysyn jaqsartý jobasy aıasynda shalǵaı aýyl - Moıynqum aýdanyndaǵy Keńes aýyldyq okrýgi de túleı túspek, - dep habarlaıdy QazAqparat tilshisi.
Aýdanǵa arnaıy jumys saparymen kelgen oblys ákimi Asqar Myrzahmetov pılottyq jobaǵa engen Keńes aýyldyq okrýgi turǵyndarymen kezdesti. Okrýgke bir ǵana Aıdarly eldi mekeni qaraıdy. Aýylda barlyǵy 363 aýla bar bolsa, onda barlyǵy 2004 halyq tirshilik keshýde. Aýylda barlyq aýla sýmen tolyǵymen qamtylǵan desek, ondaǵy úı irgesindegi jer kólemi 58 gektardy quraıdy. Bul jerlerdi tıimdi paıdalanyp, tabysqa keńelýge 318 aýla yntaly. Sondaı-aq, 93 aýla 1 395 bas mal alýǵa nıetti.
Joba aıasynda malǵa jem-shóp daıyndaý, tehnıka tapshylyǵyn sheshý, sapaly tuqymmen qamtý, ónim kólemin arttyryp, ótkerý máseleleri sheshilmek.
Aıta keteıik, aýyldyq okrýgtegi jalpy 363 aýlada 2004 adam turady. Ondaǵy úı irgesindegi 58 gektar jer 100 paıyz sýmen qamtylǵan.
Búginde jobanyń birinshi baǵyty boıynsha tıimdi nesıege 318 aýla ótinim bergen. Al, ekinshi baǵyt aıasynda 93 aýla ıelerinen 1 395 bas mal alýǵa degen suranys túsken.
Asqar Isabekuly joba ıgiligi jalpy aýlalardy tutastaı qamtýǵa negizdelgenin aıtyp, oǵan barlyq turǵyndardy tartý jolynda jumystar júrgizýdi tapsyrdy. Jıynda basqa da baǵyttardaǵy qolǵa alynǵan sharalar saralandy. Turǵyndardyń saýal-tilekteri tyńdalyp, jan-jaqty jaýaptar berildi.
