Jambyldaǵy mektepter men kolledjderde medpýnkt ashyldy
TARAZ. QazAqparat – Jambyl oblysynyń bilim berý uıymdary men medıtsına qyzmetkerleri koronovırýsqa qarsy kúreste birlese áreket jasap jatyr, dep habarlaıdy QazAqparat tilshisi.
Jambyl oblysynda indet juqtyrýdyń eki myńnan astam jaǵdaıy tirkeldi. Búgingideı qıyn kezeńde medıtsına qyzmetkerleriniń ıyǵyna aýyr júk túsip otyrǵany sózsiz.
Epıdemııamen kúrestegi ózekti máselelerdiń biri medıtsınalyq mamandardyń jetispeýshiligi bolyp otyr. Osyǵan oraı, oblystaǵy bilim berý uıymdarynda halyqqa medıtsınalyq kómek kórsetýdiń qosymsha pýnktteri ashylyp, oǵan bilim berý mekemelerinde jumys isteıtin 123 medıtsına qyzmetkeri tartylǵan.
Búgingi tańda orta mektepterden barlyǵy 80 maman, oblys kolledjderinen 43 maman jumyldyrylyp otyr. Taraz qalasy jáne oblystyń barlyq aýdandarynda orta jáne kishi medıtsınalyq qyzmetkerler turǵyndarǵa keńes berý, dári egý sekildi qyzmetterdi tegin kórsetedi.
«Olar oqý jyly bastalǵanǵa deıin jumys isteıdi jáne mindetti túrde jalaqy alatyn bolady», - deıdi oblystyq bilim basqarmasy basshysynyń orynbasary Talǵat Jamalov.
