Jambyldaǵy maska shyǵaratyn zaýyt táýlik boıy jumys istep tur
TARAZ. QazAqparat – Jambyl oblysynyń ákimi Berdibek Saparbaev elimizdegi tótenshe jaǵdaıǵa baılanysty óńirdegi birqatar mańyzdy nysandardy aralady, dep habarlaıdy QazAqparat.
Óńir basshysy aldymen jumys saparymen Jambyl aýdany Aısha bıbi aýylyndaǵy "Super Pharm" JShS farmatsevtıkalyq zaýytyna bardy. Bul kásiporyn 2010 jyly «Bıznestiń jol kartasy-2020 baǵdarlamasy aıasynda ashylǵan. Qazir tańda munda 150 adam eńbek etýde. Zaýyt jylyna 15 mıllıon medıtsınalyq buıymdar shyǵarady desek, olardyń qatarynda bıntter, bahılalar, medıtsınalyq halattar men maskalar bar. Koronavırýs pandemııasyna baılanysty kásiporyn táýlik boıy jumys isteý rejımine kóshken. Sonyń nátıjesinde medıtsınalyq maska óndirisi táýligine 20 myńnan 70 myń danaǵa deıin artyp otyr. Kásiporyn óz ónimderin Jambyl oblysyna jáne elimizdiń basqa aımaqtaryna ótkizýde.
Jaqynda zaýyttyń eki jańa korpýsynyń qurylysy aıaqtaldy, onda medıtsınalyq maskalar shyǵaratyn tigin tsehy ornalasqan.
Budan soń oblys ákimi Taraz qalasyndaǵy Halyqqa qyzmet kórsetý ortalyǵy men kóshi-qon qyzmeti ortalyǵyna at basyn burdy. Atalǵan mekeme qyzmetkerleri qolǵaptarmen, maskalarmen jáne antıseptıktermen qamtamasyz etilgen.
Arnaıy medıtsınalyq pýnktter ashylǵan. Karantınge baılanysty tsıfrlyq qyzmet kórsetý ortalyǵynyń jumysy ýaqytsha ınternet arqyly qyzmet ala alady. Qazir munda keńes berý úshin koll-ortalyq jumys isteıdi, oǵan kún saıyn 500-den astam qońyraý túsedi.
Sonymen qatar, Berdibek Saparbaev medıtsınalyq pýnkti ashylǵan temirjol beketiniń jumysyn tekserdi. Bekette aqparattyq stendter ilinip, dezınfektsııalaý sharalary oryndalýda. Kelýshi azamattardyń termometrııasy júrgizilýde.
