Jambyldaǵy kólik apaty: eki adam ajal qushty
TARAZ. QazAqparat –Jambyl oblysynda jol kólik oqıǵasynan eki adam qaza tapty, dep habarlaıdy QazAqparat tilshisi.
Aǵymdaǵy jyldyń 12 tamyzynda saǵat 01.10-da Jambyl aýdany, Grodekovo aýylynyń Aqjol kóshesinde ornalasqan «QazMunaıGaz» avtojanarmaı quıý beketiniń janynda Mercedes Benz jáne BMW markaly eki avtomashınanyń qatysýmen jol-kólik oqıǵasy oryn aldy. Apat saldarynan Mercedes Benz kóliginiń júrgizýshisi men jolaýshysy oqıǵa ornynda kóz jumdy. Bul týraly oblystyq polıtsııa departamentiniń baspasóz qyzmeti habarlady.
«Atalǵan derekke qatysty Qazaqstan Respýblıkasy Qylmystyq kodeksiniń 345-babynyń 3-bóligi (Abaısyzda adam ólimine ákep soqqan Jol qozǵalysy erejelerin buzý) boıynsha sotqa deıingi tergeý amaldary bastaldy. Oqıǵanyń mán-jaıy anyqtalýda, sondaı-aq osyǵan qatysty tıisti sot saraptamalary taǵaıyndaldy. Qazaqstan Respýblıkasy Qylmystyq- protsestik kodeksiniń 201-babynyń talaptaryna sáıkes, sotqa deıingi tergep- tekserýdiń qalǵan derekteri tergeý múddesinde jarııalaýǵa jatpaıdy»,- delingen habarlamada.
Qazirgi tańda osy is boıynsha tergeý amaldary jalǵasýda.
