Jambyldaǵy demalys oryndary qanshalyqty qaýipsiz
TARAZ. QazAqparat - Jambyl oblystyq ishki saıasat basqarmasy ótkizgen baspasóz máslıhatynda shomylý maýsymy kezindegi balalar men jasóspirimderdiń qaýipsizdigi sóz boldy, dep habarlaıdy QazAqparat tilshisi.
«Jyl basynan beri oblys aýmaǵyndaǵy sý aıdyndarynda 16 qaıǵyly jaǵdaı oryn aldy. 17 adam qaza tapty, onyń ishinde ony - balalar. Bir ǵana shilde-tamyz aılarynda shomylýǵa arnalǵan jerlerde jáne basseınderde 14 jasqa deıingi 3 bala sýǵa ketti»,-dedi Jambyl oblysy boıynsha TJD bólim basshysy Omar Tákeev.
12 tamyz kúni 10 jáne 11 jasar eki bala Shý aýdanyndaǵy magıstraldy kanalǵa batyp ketti. Bir táýlikten keıin TJD qyzmetkerleri 11 jasar balanyń denesin sýdan alyp shyqty. Al 10 jasar balanyń denesi bes táýliýkten beri tabylmaı otyr. Sondaı-aq Tarazdaǵy «Kúnshýaq» demalys ortalyǵynda 7 jasar bala sýǵa batyp ketti. «Ýatervıl» demalys aımaǵyndaǵy basseınnen 14 jasar jasóspiriminiń denesin kýágerler shyǵaryp aldy.
Oblystyq TJD jedel-qutqarý jasaǵynyń jetekshisi ıÝrıı Salagaev atap ótkendeı, shomylýǵa arnap jabdyqtalǵan jerde de qaıǵyly oqıǵalar jıi oryn alatyn boldy.
«Shomylý maýsymy bastalǵaly ata-anasy bas-kóz bolmaǵan balalar men jasópirimder kóp sýǵa ketetin boldy. Negizgi sebep - qaýipsizdik týraly jalǵan túsinik. Qaýipsizdik erejelerin dóreki túrde buzý, kishkentaı balalardy qaraýsyz qaldyrý, sondaı-aq mas kúıde sýǵa túsý jaqsylyqqa aparmaıdy»,-dedi ol.
Jıynǵa qatysýshylardyń aıtýynsha, barlyq demalys ortalyqtarynda qutqarýshylar bolýy kerektigin mindetteıtin ishki ister mınıstriniń buıryǵy bar. Alaıda, qutqarýshylar shynymen bar ma, joq pa - ony tekserýge eshkimniń múmkindigi joq. Oblystyq TJD jedel-qutqarý jasaǵynyń jetekshisi ıÝ.Salagaevtyń aıtýynsha, olardyń qazir baqylaý-tekserý fýnktsııasy joq. Oblystyq ІІD ıývenaldy polıtsııa basshysy Qýanyshbek Qaljanov polıtsııanyń da oǵan quqyǵy joq ekenin atap ótti. Tipti, Jambyl oblysy kámeletke tolmaǵandar isteri jónindegi komıssııanyń da demalys ortalyqtaryn tekserýge eshqandaı qaqysy joq bolyp shyqty.
