Jambyldaǵy 185 mektepte tańdaý pánderi aǵylshyn tilinde oqytylady
TARAZ. QazAqparat - Úsh tilde oqytý júıesine kóshý boıynsha ótken oqý jylynda Jambyl oblysy boıynsha 45 mektepte bıologııa, hımııa, fızıka, ınformatıka pánderi aǵylshyn tilinde júrgizilgen bolatyn. Al bıylǵy 1 qyrkúıekten bastap 185 mektepte osy pánder aǵylshyn tilinde oqytylady, dep habarlaıdy QazAqparat ZhambylNews-ke silteme jasap.
Búgingi tańda atalǵan pán muǵalimderiniń 34,7 %-y (888 pedagog) arnaıy kýrstan ótti.
Buǵan qosa, maýsym aıynda aýdandar men Taraz qalasynda fızıka, hımııa, bıologııa, ınformatıka pánderinen sabaq beretin 220 pedagog jergilikti bıýdjet esebinen «Ustaz» ortalyǵy mamandary uıymdastyrǵan aǵylshyn tilindegi kýrsta oqydy. Bul ortalyq bir jyl boıy osy muǵalimderdi tolyǵymen qoldap, úıretip, naqty kómek kórsetetin bolady.
