Jambylda jylyna 116 myń tonna qant óndiretin zaýyt salý josparlanýda
TARAZ. QazAqparat - Jambyl oblysy, Shý aýdanynda «HOZÝ Agro Sıstem» JShS-i «Qant qyzylshasy men qant quraǵyn óńdeý, qant jáne lımon qyshqylyn shyǵarý» zaýytyn iske qosýdy josparlaýda.
Ol úshin tıisti jer bólinip, jobalyq-smetalyq qujattary ázirlendi, dep habarlaıdy QazAqparat.
Quny 80 mıllıard teńge bolatyn zamanaýı zaýytqa qajetti qarajattyń 30 paıyzyn ınvestor, 70 paıyzyn ekinshi deńgeıli bankter men qarjy ınstıtýttarynan tartý kózdelgen. Quny 80 mlrd. teńgeni quraıtyn joba júzege asyrylsa, kúnine 8000 tonna qant qylshasy qabyldanyp, jylyna 116 000 tonna qant ónimin óndiredi dep josparlanýda. Joba iske qosylǵanda 300 adam jumyspen qamtylady dep kútilýde.
«Qazirgi tańda Shý aýdanynda qant zaýytyn salyný máselesi qarastyrylyp jatyr. Sondaı-aq, tátti túbir egiletin egin alqaptaryn da ulǵaıtyp, 10-15 myń gektarǵa deıin jetkizý josparlanýda»- deıdi oblystyq aýyl sharýashylyǵy basqarmasy basshysynyń orynbasary Erlan Qulkenov.
Aıta keteıik, bıyl óńirde 9 jarym myń gektar alqapqa baltamyr egý josparlanǵan. Qajetti tehnıkalardy alý úshin respýblıkalyq bıýdjetten 25, oblystyq bıýdjetten 10 protsent sýbsıdııa beriledi.
