Jambylda jyldamdyqty asyrý saldarynan 125 kólik apaty bolǵan
TARAZ. QazAqparat – Jambyl oblysynda jyldamdyqty asyrýǵa baılanysty 125 jol kólik oqıǵasy oryn alǵan, dep habarlaıdy QazAqparat tilshisi.
Aǵymdaǵy jyldyń basynan beri oblys joldarynda jyldamdyqty asyrýǵa baılanysty 125 jol-kólik oqıǵasy oryn alǵan, onda 34 adam qaza taýyp, 159 adam túrli dene jaraqattaryn aldy.
Jol-kólik oqıǵalarynyń aldyn alý maqsatynda polıtsııa qyzmetkerleri profılaktıkalyq is-sharalar ótkizip turady.
«Jyl basynan beri barlyǵy 60 myńnan astam jol qozǵalysy erejelerin buzýshylyq anyqtaldy, onyń ishinde joldarda jyldamdyqty arttyrǵan 5 495 kólik júrgizýshi ákimshilik jaýapkershilikke tartyldy. Tek «Arqan» mobıldi keshenderiniń kómegimen respýblıkalyq mańyzy bar avtojoldarda jyldamdyqty arttyrýdyń 20 myńnan astam deregi anyqtaldy», – dedi polıtsııa departamenti jergilikti polıtsııa qyzmet basqarmasynyń bastyǵy Rahymberdi Áshkeev.
