Jambylda jyl basynan beri órt saldarynan 11 adam opat bolǵan
TARAZ. Qazaqparat – Jambyl oblysynda jyl basynan beri 654 órt oqıǵasy tirkelip, onyń saldarynan 11 adam ajal qushqan,- dep habarlaıdy QazAqparat tilshisi.
Osy jyldyń 11 aıynda oblysta 11 adamnyń ómirin jalmaǵan 654 órt oqıǵasy tirkelgen. Bul oqıǵalar barysynda 8 adam jaraqat alypty. Jalpy materıaldyq shyǵyn 89 mıllıon 8 myń teńgeni quraǵan. Bul týraly óńirlik kommýnıkatsııalar qyzmetinde ótken brıfıngide Jambyl oblystyq TJ departamentine qarasty memlekettik órt baqylaý basqarmasynyń bastyǵy Maqsat Ákimbaev aıtty.
Spıker bıyl órtter sany 6 paıyzǵa azaıǵanyn aıtady. Alaıda, qaza tapqandar sany 1,8 esege, jaraqattanǵan adamdar sany 30 paıyzǵa, al, ýly gazdan qaza bolǵandar sany 2 esege ulǵaıǵan. Aǵymdaǵy jyldyń 1 qyrkúıeginen bastap búginge deıin turǵyn úı sektorynda 181 órt oryn aldy desek, bul ótken jyldyń uqsas kezeńimen salystyrǵanda 30 paıyzǵa artyq. Qaza bolǵandar sany da 7 jaǵdaıǵa ósken.
«Jalpy, aǵymdaǵy jyly jylytý maýsymynda ólimniń ósýine Taraz qalasynda órt kezinde jáne Merki aýdanynda ýly gazben ýlaný kezinde adamdardyń toptyq qaza bolý jaǵdaılarfy áser etken. ıAǵnı, aǵymdaǵy jyly qazan aıynyń birinshi on kúndiginde Taraz qalasyndaǵy turǵyn úıde oryn alǵan órtte eki bala, al qarasha aıfnfi birinshi on kúndiginde turǵyn úıdegi órtte 3 adamnyń ólimi tirkelgen, sondaı-aq Merki aýdanynda ýly gazdan ýlanýdan 2 adam qaza bolǵan»,-deıdi M.Ákimbaev.
