Jambylda jyl basynan beri 52 avtokólik órtenip ketken
TARAZ. QazAqparat –Jambyl oblysynyń aýmaǵynda jyl basynan beri 52 avtokóliktiń órtený oqıǵasy tirkeldi, dep habarlaıdy QazAqparat tilshisi.
Avtokólik quraldarynyń negizgi janý sebebi elektr symdarynyń qysqa tuıyqtalýy bolyp tabyldy.
Kóbine órt motor bóliginde tutanǵan. Ol bóliktiń shaǵyn ǵana kóleminde shoǵyrlanǵan túıinder men agregattarynda kapot astynda tutanyp janatyn benzın, dızel oty, motor maıy, transmıssııalyq jáne tejeýish suıyqtylyǵy, róldiń gıdravlıkalyq kúsheıtkishiniń suıyqtyǵy sekildi janǵysh zattardyń bolýyna baılanysty.
Bul týraly oblystyq tótenshe jaǵdaılar departamentiniń qyzmetkerleri aıtyp berdi.
«Kóliktegi órt negizinen baıqaýsyz bastalady. Tútin men ısi shyqpaǵansha ony tabý ońaı emes, al tabylǵan jaǵdaıda órt sóndirgish quralynyń kómegi qajet bolmaıtyn jaǵdaıǵa deıin órshýi múmkin. Avtokólik salonyn órttiń qursaýlaý ýaqyty janý sıpatyna baılanysty birneshe sekýndtan 3 mınýtqa deıin bolady. Al 10 mınýttyń ishinde jeńil avtokólik tolyǵymen janyp ketýi múmkin»,- deıdi TJD tehnıkalyq normalaý tobynyń aǵa ınjeneri azamattyq qorǵaý podpolkovnıgi Berik Satybaldıev.
Aıtalyq, 28 mamyrda Sarysý aýdany, Jańatas qalasy, Beıbitshilik kóshesiniń boıynda 1989 jylǵy «Audi-80» avtokóligin jalyn sharpydy.
Sol kúni Merki aýdany, Merki aýyly Sarymoldaev kóshesiniń boıynda 1985 jylǵy «Audi-100» avtokóligi otqa orandy.
Bul órtterdiń negizgi sebepteri – elektr qondyrǵylarynyń aqaýlyǵy men elektr symdarynyń qysqa tuıyqtalýy, snymen qatar qozǵaltqysh júıesiniń aqaýy.
