Jambylda jyl basynan beri 5 órt tirkelip, 1 adam kóz jumdy

TARAZ. QazAqparat - Jambyl oblysynda jyl basynan beri 5 órt oqıǵasy tirkeldi. Saldarynan 4 adam jaralanyp, 1 adam qaza tapty, dep habarlaıdy QazAqparat.

Óńirdegi tótenshe jaǵdaı departamentiniń málimetinshe, byltyr onda 753 órt oqıǵasy tirkelgen.

«Tosyn oqıǵalar kezinde 8 adam kóz jumdy, 14 turǵyn tútinnen ýlanyp qaldy, 18 adam zardap shekken», - dep jazdy vedomstvodan.

TJD qyzmetkerleri sý men órt qaýipsizdigi erejelerin qatań saqtaýdy eskertedi.

Aıta keteıik, keshe Jambylda qańtar oqıǵasy kezinde joǵalǵan qarý-jaraqtar tabylǵanyn habarlaǵanbyz.