Jambylda jyl basynan beri 155 adam sýıtsıd jasaǵan
TARAZ. QazAqparat –Jambyl oblysynda jyl basynan beri 155 adam óz-ózine qol jumsap, ómirmen qosh aıtysqan,-dep habarlaıdy QazAqparat.
Sýıtsıdke barǵan 155 adamnyń 9-y balalar.
Oblystyq bilim basqarmasynyń málimetine súıensek qaıǵyly oqıǵalar negizinen Shý, Sarysý, Jambyl aýdandarynda tirkelgen. Sonymen birge olardyń qatarynda úsh kolledj stýdenti bar.
Mamandardyń aıtýynsha, mundaı qadamǵa kóbinese 15 pen 17 jas aralyǵyndaǵy jetkinshekter barady eken. Sońǵy úsh jylda oblystaǵy 26 jetkinshek osyndaı jolmen baqıǵa attanǵan.
«Jetkinshekterdiń sýıtsıdke barýynyń sebepterin anyqtaǵan kezde ishki ister organdaryna 80 paıyzy belgisiz bolyp tanylǵan. Al qalǵan 20 paıyzy ata-anasyna, aqshaǵa baılanysty, sondaı-aq, jaqsy kóretin adamyna degen renish saldarynan bolǵandyǵy anyqtalǵan»,- dedi oblystyq bilim basqarmasynyń bólim basshysy Gúlzıra Dáribaeva.
