Jambylda jyl basynan 13 adam gazdan ýlanyp, 3 adam qaza tapqan
TARAZ. QazAqparat – Jyl basynan beri Jambyl oblysynda 13 adam gazdan ýlanyp, onyń úsheýi qaza tapqan, dep habarlaıdy QazAqparat.
Ýlanǵandardyń basym kópshiligi Taraz qalasynyń turǵyndary. Oqys oqıǵalardyń negizgi sebebi – qarapaıym erejelerdi saqtamaý.
Jylytý maýsymynyń jaqyndaýyna oraı oblystyq tótenshe jaǵdaılar departamentiniń mamandary eldi mekenderdi aralap, órtten jáne gazdan bolatyn qaýiptiń aldyn alý maqsatynda, turǵyndarǵa túsindirý jumystaryn júrgizýde. Olar órtpen kúres, maýsym aldyndaǵy daıyndyq jumystary, balalardy qaraýsyz qaldyrmaý syndy eskertpeler jazylǵan qaǵazdar taratýda.
Jyl saıyn ótkiziletin bul is-shara bıyl «Qumshaǵal» alabynan bastaý aldy. Jáne ol bir aıǵa jalǵasyp, Jambyl oblysynyń barlyq eldi mekenin qamtıdy.
«Jambyl oblysy boıynsha aǵymdaǵy jyldyń 8 aıynda 467 órt faktisi tirkelgen. Ol ótken jyldyń sáıkes kezeńimen salystyrǵanda 3 paıyzǵa artyq. Saldarynan 3 adam qaza bolyp, qalǵanyn túrli dárejede kúıik shalǵan. Órttiń basym kópshiligi turǵyn – úı sektory men avtokólik quraldarynda bolǵan. Sondyqtan, halyqty barynsha saq bolýǵa shaqyramyz»,- deıdi oblystyq tótenshe jaǵdaılar departamentiniń zilzalalardyń qaýip-qaterin azaıtý jáne azamattyq qorǵaý salasyn baqylaý basqarmasynyń bas mamany Arman Smaıylov.
