Jambylda júrip bara jatqan kólikten denesin shyǵaryp, áńgimelesken jigitter 224 myń teńge tóleıdi

ASTANA. QazAqparat - Іshki ister mınıstrligi jol boıynda kólik terezesinen denesin shyǵaryp, bir-birimen sóılesip bara jatqan jastardyń vıdeosyna pikir bildirdi, dep habarlaıdy QazAqparat.

Beınejazbadaǵy oqıǵa Jambyl oblysy Jýaly aýdanynyń Qoshqarata aýylynda túngi mezgilde bolǵan.

«Baýyrjan Momyshuly aýylynyń eki turǵyny jáne bir jergilikti turǵyn anyqtaldy. Toyota avtokóliginiń 37 jastaǵy júrgizýshisine qatysty QR ÁQBtK 593-babynyń 1-bóligi boıynsha hattama toltyryldy. 19 jastaǵy júrgizýshi saqtandyrý polısi joq, tehnıkalyq tekserýden ótpegen VAZ 21099 avtokóligin basqaryp, basqa júrgizýshiler úshin apattyq jaǵdaı týǵyzǵany jáne jolaýshylardy tasymaldaý talaptardy qaıta saqtamaǵany úshin ákimshilik jaýapkershilikke tartyldy» dep málimdedi ІІM.

BMW avtokóliginiń 21 jastaǵy júrgizýshisine qatysty QR ÁQBtK 593-babynyń 2-bóligi, 595-babynyń 1-bóligi, 606-babynyń 1-bóligi boıynsha 3 ákimshilik hattama toltyrylǵan.

Úsh júrgizýshige salynǵan aıyppuldyń jalpy somasy - 224 250 teńge.