Jambylda júrgizýshi kýáligin úıge jetkizip beretin qyzmet iske qosyldy
TARAZ. QazAqparat – Jambyl oblysynda turǵyndar endi júrgizishi kýálikterin úıde otyryp-aq ala-alady, dep habarlaıdy QazAqparat tilshisi.
Bul týraly Óńirlik kommýnıkatsııaar qyzmeti aqparat alańynda ótken brıfıng barysynda «Azamattarǵa arnalǵan úkimet» memlekettik korporatsııasy KE AQ Jambyl oblysy boıynsha fılıaly dırektorynyń orynbasary Danııar Medetbekov málimdedi.
«Elektrondyq úkimet Portalynda ótinim berý arqyly júrgizýshi kýálikterin úıine deıin jetkizý servısi iske qosyldy. Eger azamattar bólimderge kele almaıtyn jaǵdaıda «Sizdiń jeke menedjerińiz» bıznes jobasyn qoldanýlaryna bolady»,-dedi spıker.
Sondaı-aq, Danııar Medetbekov memlekettik qyzmet kórsetýdiń keıbir máselelerine tolyq toqtaldy.
«Jalpy memlekettik tizimge sáıkes, qyzmetterdiń sany 698 qurap, onyń 674-i Memlekettik korporatsııa arqyly, 649-y «Elektrondyq úkimet» portaly arqyly qyzmet kórsetedi. Oblysymyzda bul qyzmetterdi kórsetýge 16 front-ofıs qatysady. 2020 jyly Jambyl oblysy boıynsha 821644 qyzmet, onyń ishinde, 2434-i qyzmet elektrondy negizde kórsetiledi»,- dep aıtty baıandamashy.
Búginde memlekettik qyzmetterdi durys alýdy úıretý maqsatynda keńester berý úshin biryńǵaı baılanys ortalyǵy 1414 nomerine habarlasýǵa bolady. Bıyl osy ortalyq operatorlary 850 774 qońyraý qabyldap, keńester bergen. Al, beıne-assıstentterge arnalǵan sektor arqyly barlyǵy 510 054 beıneqońyraý qabyldanyp, 221 826 azamat «Azamattardyń mobıldik bazasyna» tirkelgen.
Sondaı-aq, halyqtyń áleýmettik jaǵynan osal toptaryna úılerine baryp qyzmet kórsetý maqsatynda «Help desk» baǵdarlamasy jasalǵan. Bul baǵdarlama boıynsha 1 jáne 2 toptaǵy múmkindigi shekteýli azamattar, múgedek balalar, UOS ardagerleri jáne 70 jastan joǵary azamattarǵa qyzmet kórsetiledi. Aǵymdaǵy jyldyń 11 aıynda 2 160 ret múmkindigi shekteýli azamattardyń turǵylyqty jerine baryp, 2676 qyzmet kórsetilgen.
