Jambylda júk tasymaly talabyn buzǵan júrgizýshige 900 myń teńge aıyppul salyndy
TARAZ. QazAqparat – Jambyl oblysynda júk tasymaly talabyn buzǵan júrgizýshige 900 myń teńge aıyppul salyndy, dep habarlaıdy QazAqparat tilshisi.
Jambyl oblysy Sarysý aýdanynda aýyr salmaqty karer kóliginiń júrýin baqylaýdy qamtamasyz etý jónindegi jol kartasyna sáıkes reıd ótkizldi. Shara joldardyń buzylýyn boldyrmaý maqsatynda uıymdastyrylǵan. Tekserýge oblystyq Jolaýshylar kóligi jáne avtomobıl joldary basqarmasy, jergilikti polıtsııa qyzmeti, aýdandyq polıtsııa bólimi, «Jambyl — adaldyq alańy» sybaılas jemqorlyqqa qarsy is-qımyl jobasynyń jáne kóliktik baqylaý ınspektsııasynyń mamandary qatysty.
Birlesken top «Aqkol-Úsharal-Toǵyzkent» jáne «Saýdakent-Toǵyzkent» avtomobıl joldarynyń qıylysynda ornalast. Osy tustan ótken aýyr salmaqty karer kólikteri ishinde tuz tasymaldaıtyn kólikter tekserildi. Bul baǵytta, 1 aýyr júk kóliginiń júk tasymaldaý erejesin buzǵany anyqtalyp, kólik ıesine, tıisti ákimshilik jaýapkershilikke sáıkes, jalpy 900 myń teńgege aıyppul salyndy.
