Jambylda júk poıyzynyń relsten shyǵyp ketýine ne sebep boldy
TARAZ. QazAqparat - Qazaqstan temir jolynyń jambyldyq bóliginde qaıta qalpyna keltirý jumystary jalǵasyp jatyr, dep habarlaıdy QazAqparat tilshisi QTJ UK AQ-nyń baspasóz qyzmetine silteme jasap.
Eske salaıyq, 31 shilde kúni tańǵy 08:05-te Qashqanteńiz-Jastar aralyǵyndaǵy Moıynty-Shyǵanaq bóliginde kele jatqan №2009 júk poıyzynyń 50 vagonynyń 11-i relsten shyǵyp ketken edi. Aldyn ala jasalǵan boljam boıynsha, buǵan 28-shi vagonnyń búıir tustaǵy ramasynyń synýy sebep bolýy múmkin. Bul vagondardyń ıesi - «ISTKOMTRANS» JShS. «QTJ» UK» AQ-nyń baspasóz qyzmeti málim etkendeı, vagondardy 2009 jyly «AZOVELEKTROSTALЬ» AAQ zaýyty jasaǵan.
Dál qazir zaqymdanǵan aımaqty qaıta qalpyna keltirýge jaqyn mańda ornalasqan jambyldyq Shý jáne Saryshaǵan stansalarynyń arnaıy jóndeý poıyzdary qosylǵan.
Oqıǵa saldarynan jalpy úsh myń adamdy ákele jatqan bes jolaýshy poıyzynyń qozǵalysy toqtatyldy.
