Jambylda júk kóligi men jeńil avtokólik soqtyǵysyp, jolaýshy kóz jumdy
TARAZ. QazAqparat – Turar Rysqulov aýdany aýmaǵyndaǵy «Batys Eýropa – Batys Qytaı» tasjolynyń 430-shaqyrymynda Chevrolet Cobalt jeńil avtokóligi men «Pogrýzchık» tehnıkalyq kóligi soqtyǵysty, dep habarlaıdy QazAqparat tilshisi.
Soqtyǵysqan júk tıegish kóligi jol jıegine qulaǵan.
Jol apaty saldarynan Chevrolet Cobalt avtokóliginiń jolaýshysy oqıǵa ornynda kóz jumdy.
Al júrgizýshi túrli jaraqatpen T. Rysqulov aýdanynyń ortalyq aýrýhanasyna jetkizildi. Bul týraly oblystyq polıtsııa departametinyń baspasóz qyzmeti habarlady.
Avtotıegish júrgizýshisi zardap shekken joq. Atalǵan derekke qatysty QR Qylmystyq kodeksiniń 345-baby boıynsha sotqa deıingi tergeý amaldary bastaldy.
«Jol-kólik oqıǵasynyń sebebi anyqtalýda, birqatar saraptamalar taǵaıyndaldy.QR QІJK-niń 201-baby negizinde tergeý múddesi boıynsha tergeý áreketteriniń mán-jaılary jarııa etilmeıdi»,- deıdi T.Rysqulov aýdandyq polıtsııa bóliminiń bastyǵy Oljas Omarbekov.
