Jambylda jolda synyp qalǵan avtobýstyń jolaýshylaryna kómek kórsetildi
ShYǴANAQ. QazAqparat - Jambyl oblysy aýmaǵynda buzylǵan avtobýstyń jolaýshylary evakýatsııalandy, dep habarlaıdy QazAqparat Tótenshe jaǵdaılar komıtetine sliteme jasap.
19 qarasha saǵat 09:08 kezinde «Shyǵanaq» TMQP dıspetcheriniń pýltine Almaty-Ekaterınbýrg tasjolynyń 413-shaqyrymynda «Almaty – Nur-Sultan» baǵytymen ketip bara jatqan jolaýshylar avtobýsy synǵany týraly habarlama kelip tústi.
Sol sátte salonda 10 jolaýshy bolǵan, barlyq jolaýshylar - Qazaqstan Respýblıkasynyń azamattary.
Evakýatsııa jumysyn júrgizý jáne medıtsınalyq kómek kórsetý úshin oqıǵa ornyna dereý «Shyǵanaq» brıgadasy jiberildi. Brıgada quramynda dáriger, feldsher, qutqarýshy jáne medıtsınalyq-qutqarý reanımobıl júrgizýshisi bar.
Oqıǵa ornyna kelgen boıda medıtsına qyzmetkerleri 10 jolaýshyny jaqyn mańdaǵy jol boıyndaǵy dámhanaǵa evakýatsııalady.
Olar aýa temperatýrasynyń tómendigin eskere otyryp, avtobýs jolaýshylaryna psıhologııalyq, konsýltatsııalyq kómek kórsetti, medıtsınalyq tekserý júrgizdi.
«Shyǵanaq» pýnktiniń qyzmetkerleri jolda qalǵan jolaýshylarǵa der kezinde qajetti kómekti kórsetti.
Synǵan avtobýsta jóndeý jumysy júrgizilgennen keıin ol óz baǵyty boıynsha saparyn jalǵastyrdy.
