Jambylda jol ústinde jumys júrgizgenderge 5 mln teńgeden astam aıyppul salyndy
TARAZ. QazAqparat – Jambyl oblysynyń turǵyndaryna joldarda zańsyz jumys júrgizgeni úshin 5 mıllıon teńgeden astam aıyppul salyndy, dep habarlaıdy QazAqparat tilshisi.
Jambyldyq polıtsııa qyzmetkerleri Taraz qalasynyń júris bóligindegi zańsyz jol jumysyn anyqtaýdy jalǵastyrýda. Búgingi kúni 156 zańsyz qazý jáne asfalt jamylǵysynyń buzylýy anyqtaldy. 630-baptyń 1-bóligi «Avtokólik joldaryna, temirjol ótkelderine jáne basqa qurylystarǵa nemese jol qozǵalysyn baqylaýdyń tehnıkalyq quraldaryna zaqym keltirý» boıynsha 5 mln teńgeden astam somaǵa 53 ákimshilik hattama jasalǵan. Bul týraly oblystyq polıtsııa departamentiniń baspasóz qyzmeti habarlady.
«Joldaǵy kólik quraldarynyń nemese jaıaý júrginshilerdiń qozǵalysyna kedergi keltiretin kez kelgen jumysty júrgizý úshin ruqsat alý qajet. Jol qozǵalysyn uıymdastyrý jáne jol jumysyn júrgizý oryndaryn qorshaý shemalary jol uıymynyń basshysymen bekitilip, jol qozǵalysy qaýipsizdigi jónindegi ýákiletti organmen aldyn ala kelisilýi tıis», - delingen atalǵan departamenttiń baspasóz qyzmetiniń habarlamasynda.
