Jambylda jergilikti turǵynnan sırek kezdesetin sekseýil tárkilendi
TARAZ. QazAqparat – Jambyl oblysynyń polıtseıleri Qyzyl kitapqa engen sekseýil tasymaldaýmen aınalysqan júrgizýshini ustady, dep habarlaıdy QazAqparat tilshisi.
«Brakoner» is-sharasy kezinde Jambyl oblysynyń Polıtsııa departamenti qyzmetkerleri Moıynqum aýdanynyń 49 jastaǵy turǵyny basqaryp kele jatqan «ÝAZ» markaly avtokólikti toqtatyp, odan kólikke tıelgen Qyzyl kitapqa engizilgen sekseýil aǵashyn tárkiledi.
«Atalǵan derekke qatysty Qylmystyq kodekstiń 339-baby 1-bóligi (Ósimdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý) boıynsha sotqa deıingi tergeý bastaldy», - delingen vedomstvo habarlamasynda.
Tárkilengen sekseýil protsessýaldyq sheshim qabyldanǵanǵa deıin saqtaý úshin Moıynqum aýdanynyń orman jáne janýarlar dúnıesin qorǵaý mekemesiniń qoımasyna tapsyryldy.
