Jambylda zeınetker áıel oqýǵa túsirip berem dep aldap, 2 mln teńgeni qaltasyna basqan
TARAZ. QazAqparat – Jambyl oblysynda joǵary oqý ornyna túsirýge ýáde bergen alaıaq 2 mıllıon teńgeni qaltasyna basqan, dep habarlaıdy QazAqparat.
Jýaly aýdanynda 63 jastaǵy Túrkistan oblysynyń turǵyny túlekterdiń ata-anasyna elimizdiń akademııalarynyń birine túsýge kómektesýge ýáde berip, eńbegi úshin aldyn ala 1 200 000 teńge alǵan. Aqshany alǵannan keıin taıyp turǵan.
«Kúdikti áıeldi Jambyl oblysy krımınaldyq polıtsııa qyzmetkerleri qolǵa túsirdi. Onyń osy sekildi eki qylmysqa qatysy bar ekeni anyqtaldy. Jalpy shyǵyn kólemi - 2 mıllıon teńge», - deıdi DP basshysynyń orynbasary Nurjan Qalmetov.
Atalǵan faktiler qatysty QR Qylmystyq kodeksiniń 190-baby 3-bóligi boıynsha sotqa deıingi tergeý júrip jatyr.
Jambyl oblystyq polıtsııa departamenti turǵyndardy alaıaqtardyń qurbanyna aınalmas úshin saq bolýǵa shaqyrady.
