Jambylda zańsyz sekseýil kesken 4 azamat sottaldy
TARAZ. QazAqparat - Jambyl oblysynda 9 aıda júrgizilgen 479 reıdtiń qorytyndysy boıynsha 90 zańbuzýshylyq anyqtaldy, dep habarlaıdy QazAqparat.
Bul týraly Jambyl oblysy ákimdigi uıymdastyrǵan brıfıngte aıtyldy. Oblystyq tabıǵı resýrstar jáne tabıǵat paıdalanýdy retteý basqarmasy basshysynyń orynbasary Aıbar Ádilbaqov tabıǵatty qorǵaý salasynda atqarylyp jatqan jumystarǵa toqtaldy.
«Aǵymdaǵy jyldyń 13 maýsymynda janýarlar dúnıesi men tabıǵatty saqtaý týraly deklaratsııa qabyldanǵan bolatyn. Sondaı-aq, «Tabıǵat qorǵaý keńesi» ashyldy. Bul mekeme bıylǵy 9 aıda júrgizilgen 479 reıdtiń qorytyndysy boıynsha 90 zańbuzýshylyqty anyqtady»- dedi Aıbar Kúntýuly.
Sondaı-aq, óńirde zańsyz sekseýil aǵashyn kesý faktisi boıynsha 9 aı ishinde 14 oqıǵa tirkelgen. Saldarynan ákimshilik hattama toltyrylyp, azamattarǵa 2811,2 myń teńge kóleminde aıyppul salyndy. Ol faktiler boıynsha 8 azamatqa qatysty qylmystyq is qozǵalyp, 4 azamatqa bir jyldan 2 jylǵa deıin bas bostandyǵynan aıyrý jazasy kesilgen.
«Sońǵy qazan-qarasha aılarynda 11 reıd júrgizilip, 22 kemshilik anyqtaldy. Ań-qustardy qorǵaý boıynsha 21 oqıǵa anyqtalyp otyr. Quryqtalǵan azamattarǵa 1 875 900 teńge aıyppul salynyp, 1 010 100 teńgesi búginde óndirilgen,» - deıdi «Mamandandyrylǵan janýarlar dúnıesin qorǵaý jedel qyzmeti» mekemesiniń dırektory Abaı Kenjebek.
Ǵıbrat Sembaı
