Jambylda zańsyz eńbek etip júrgen 22 mıgrant el aýmaǵynan shyǵaryldy
TARAZ. QazAqparat - Jambyl oblysy polıtsııa departamentiniń qyzmetkerleri zańsyz kóshi-qonmen kúreske baǵyttalǵan aldyn alý is-sharasy barysynda 22 shetel azamatyn anyqtap, respýblıka aýmaǵynan shyǵaryldy, dep habarlaıdy QazAqparat.
Oblys ortalyǵy Taraz qalasyndaǵy «Kısh-Mısh» shaıhanasynda júrgizilgen jumystar nátıjesinde Ózbekstan Respýblıkasynyń 7 azamaty anyqtaldy. Olar Qazaqstan Respýblıkasynyń qoldanystaǵy kóshi-qon zańnamasynyń normalaryn buza otyryp, ártúrli nan ónimderin pisirýmen zańsyz aınalysqan. Osy úshin olar Qazaqstan Respýblıkasynyń aýmaǵynan shyǵaryp jiberý túrindegi ákimshilik jazaǵa tartyldy. Al shaıhana ıesine QR sheteldik jumys kúshin tartý erejelerin buzǵany úshin ákimshilik hattama toltyrylǵan. Bul týraly oblystyq polıtsııa departamentiniń baspasóz qyzmeti málimdedi.
Sonymen qatar, oblysqa qarasty Sarysý aýdanynda salynyp jatqan nysanda aldyn alý jumystaryn júrgizý barysynda zańsyz eńbek qyzmetin júzege asyratyn Ózbekstan Respýblıkasynyń 15 azamaty anyqtalǵan. Ustalǵan mıgranttar Qazaqstan Respýblıkasynan tys jerlerge shyǵarylyp, nysan ıesine qatysty ákimshilik hattama toltyrylǵan.
