Jambylda zańsyz balyq aýlaýdyń 200 deregi anyqtaldy
Jambyl oblysynda «Ýyldyryq» jedel-aldyn alý sharasy ótti.
Bir jarym aıǵa sozylǵan is-sharalar sý bıoresýrstary men sý obektilerin qorǵaý jáne saqtaý buzýshylyqtaryn anyqtaýǵa, aldyn alýǵa jáne jolyn kesýge, sondaı-aq ekologııalyq qylmystardy ashýǵa baǵyttaldy.
«Jedel aldyn alý is-sharasy barysynda 5 qylmys jáne 200 zańsyz balyq aýlaý quqyq buzýshylyǵy anyqtaldy. 200 tulǵaǵa qatysty jalpy somasy 1 954 390 teńge kóleminde ákimshilik aıyppul salynyp, onyń 977 195 teńgesi óndirildi», - dep habarlady Jambyl oblysynyń polıtsııa departamenti jergilikti polıtsııa qyzmeti basqarmasynyń bastyǵy polıtsııa polkovnıgi Rahymberdi Áshkeev.
Quqyq buzýshylyqtardyń ishinde jer qoınaýyna memlekettik menshik quqyǵyn buzýdyń 2 deregi, jeke jáne zańdy tulǵalardyń qarýdy zańsyz satyp alý, berý, ótkizý, saqtaý, alyp júrý, tasymaldaýdyń 7 deregi, janýarlar dúnıesin paıdalaný talaptaryn jáne ań aýlaý qaǵıdalaryn buzýdyń 46 deregi, balyq ósirý jáne balyq sharýashylyǵy obektilerin qorǵaý qaǵıdalaryn buzýdyń 13 deregi jáne balyq aýlaý jáne balyq resýrstary men basqa da sý janýarlaryn qorǵaý qaǵıdalaryn buzýdyń 134 deregi oryn alǵan.
«Ýyldyryq» jedel-aldyn alý sharasy kezinde polıtseıler quqyq buzýshylardan 56 keliden astam balyq, 550 metr sıntetıkalyq monofılament torlary, tyıym salynǵan 12 zat (qoldan jasalǵan balyq ustaıtyn quraldar) jáne bir rezeńke qaıyq tárkiledi.
