Jambylda zańsyz ań aýlaǵan ormanshy ustaldy
TARAZ. QazAqparat – Jambyl oblysynyń polıtseıleri zańsyz ań aýlaǵan ormanshyny ustady,- dep habarlaıdy QazAqparat tilshisi.
«Aqbóken» jedel-aldyn alý is-sharasyn ótkizý aıasynda Jambyl oblysynyń PD tabıǵatty qorǵaý polıtsııasynyń qyzmetkerleri Qarakemer aýylynyń mańyndaǵy tas jolda Moıynqum aýdanynyń 36 jastaǵy turǵynynyń basqarýyndaǵy «Aýdı 100» markaly avtokóligin toqtatty. Tekserý barysynda avtokóliktiń júksalǵyshynan belgisiz jabaıy janýarlardyń 3 ushasy tabylǵan. Bul týraly oblystyq polıtsııa departamentiniń baspasóz qyzmeti habarlady.
«Júrgizýshi kóliginen tabylǵan ushalar tıisti ruqsatsyz jáne joldamalarsyz zańsyz ań aýlaý kezinde daıyndalǵan qaban eti ekenin túsindirdi. Ustalǵan azamat Jambyl oblysy ákimdigi janyndaǵy Moıynqum aýdanynyń Ulanbel aýdany orman jáne janýarlar dúnıesin qorǵaý jónindegi KMM-niń ormanshysy ekendigi anyqtaldy»,-delingen vedomstvo habarlamasynda.
Atalǵan derekke qatysty QR QK-niń 337-baby 1-bóligi (zańsyz ań aýlaý) boıynsha sotqa deıingi tergeý amaldary bastalǵan.
