Jambylda uıymdasyp, mal urlyǵymen aınalysqan baýkespeler ustaldy
TARAZ. QazAqparat –Jambyldyq polıtseıler birneshe mal urlyǵyna qatysty kúdiktini ustady. Ury óz kinásin moıyndady, dep habarlaıdy QazAqparat tilshisi.
Aǵymdaǵy jyldyń qazan aıynda Jambyl oblysy T.Rysqulov aýdandyq polıtsııa bólimine aýdandaǵy sharýa qojalyqtardyń birinen eki bas jylqy malynyń urlanǵany týraly aryz kelip tústi.
Atalǵan derek boıynsha oblystyq krımınaldy polıtsııa qyzmetkerleri jedel-izdestirý sharalaryn júrgizdi. Nátıjesinde iske qatysty 1993 jyly týǵan T.Rysqulov aýdanynyń turǵyny ustaldy. Kúdikti kinásin moıyndap, ýaqytsha ustaý abaqtysyna qamaýǵa alynǵan. Bul týraly oblystyq polıtsııa departamentiniń baspasóz qyzmeti habarlady.
«Tergeý barysynda kúdikti sybaılasymen birge izdeýde júrgen bir bas buqa men bir bas sıyrdy urlaǵanyn da moıyndady. Jalpy shyǵyn 700 000 teńgeni quraǵan. Jedel-izdestirý kezinde onyń sybaılasy da ustalyp, qamaýǵa alyndy. Qazirgi ýaqytta QR QK-niń 188-babynyń 2-bólimi – adamdar tobynyń aldyn ala sóz baılasýymen jasalǵan urlyq jáne 3-bólimi – birneshe ret jasalǵan urlyq boıynsha sotqa deıingi tergeý amaldary júrgizilýde»,-delingen vedomstvo habarlamasynda.
